«Манчестер Сити» ва «Челси»даги ўйинлари билан танилган инглиз вингери Раҳим Стерлинг шу йилнинг қишида Роттердамнинг «Фейеноорд» жамоаси сафига қўшилган эди.

Tribal Football журналистларининг хабар беришича, футболчида ишлаш учун рухсатнома билан боғлиқ муаммолар мавжуд. Шу сабабли Стерлинг ҳозирча Нидерландия жамоасининг машғулотлар жараёнида иштирок эта олмаяпти.

31 ёшли ярим ҳимоячи «Фейеноорд»га эркин агент сифатида ўтганди. Раҳим 2026 йилнинг июнь ойи охиригача мўлжалланган қисқа муддатли меҳнат шартномасини имзолаган.

Нидерландия чемпионати турнир жадвалида Роттердам жамоаси 45 очко билан иккинчи ўринда бормоқда.