"РБ Лейпциг" вингери Ян Диоманде жамоасини ўзгартиришга тобора яқинлашмоқда. Унга янги жиддий даъвогар пайдо бўлди — Лондоннинг "Арсенал" клуби.
TEAMtalk нашрининг хабар беришича, "канонирлар" Диомандени жамоани тарк этиши мумкин бўлган Мартинеллига муносиб ўринбосар сифатида кўрмоқда. "Лейпциг" Диоманде билан 100 млн евро эвазига хайрлашишга тайёр.
Шу билан бирга, "Арсенал" "Лейпциг" юлдузи учун бошқа топ-клублар билан рақобат қилишга тайёр. Диоманденинг хизматларига "Бавария", "Ливерпуль", "Манчестер Юнайтед" ва "Манчестер Сити" каби жамоалар ҳам қизиқиш билдирмоқда.
