Ҳужумчи Муҳаммад Салоҳ «Ливерпуль»ни тарк этишга яқин турибди.

Журналист Уилсон Кокснинг берган маълумотларига кўра, мисрлик футболчи шу ёзда инглиз клубидан кетади. «Қизиллар» футболчининг трансфери бўйича 63 миллион евродан юқори бўлган таклифларни кўриб чиқишга тайёр. Салоҳнинг ўзи фаолиятини Саудия Арабистонида давом эттиришга қарши эмас, у ердаги клублар футболчига фаол қизиқиш билдирмоқда.

Муҳаммад Салоҳ 2017 йилда «Рома»дан «Ливерпуль»га 42 миллион евро эвазига ўтган эди. Унинг амалдаги шартномаси 2027 йилнинг 30 июнигача мўлжалланган. Жорий мавсумда ҳужумчи «қизиллар» сафида барча турнирларда 27 та ўйинда майдонга тушиб, 7 та гол урди ва 8 та голли узатмани амалга оширди.