Туриннинг «Ювентус» клуби ярим ҳимоячиси Кефрен Тюрамда Англия Премьер-лигасида иш бошлаш варианти пайдо бўлди. Бу ҳақда Teamtalk журналистлари хабар тарқатди.

Манбанинг маълумотларига кўра, ярим ҳимоячининг трансферига «Манчестер Юнайтед» қизиқиш билдирмоқда. «Қизил иблислар» 24 ёшли ижрочини ёзги трансфер ойнасида ўз сафига қўшиб олишга ҳаракат қилади. Кефрен учун курашда манкунианликларга «Ливерпуль» рақобатчилик қилмоқда.

Тюрамнинг бозор қиймати 40 миллион еврога баҳоланмоқда. Футболчининг Турин клуби билан шартномаси 2029 йилнинг ёзига қадар мўлжалланган.

Жорий мавсумда ярим ҳимоячи 32 та учрашувда майдонга тушиб, иккита гол урди ва учта голли узатмани амалга оширди.