Шотландия терма жамоаси ва Италиянинг "Наполи" клуби ярим ҳимоячиси Скотт Мактоминай сўнгги йилларда жаҳон футболидаги ўзгаришлар ҳақида фикр билдирди.
"Футбол жуда юмшоқ бўлиб бормоқда. Болалигимда бошқачасига ўрганиб қолганман. Бизга қаттиқ ва босим билан ўйнашни ўргатишган. Энди эса биргина тегиниш сариқ карточкага олиб келиши мумкин. Менимча, ҳозирда таъсирчанлик ҳаддан ташқари кучайиб кетди", - дея футболчининг сўзларини келтиради Жанлука Ди Марцио сайти.
Жорий мавсумда 29 ёшли футболчи барча турнирларда 34та ўйинда майдонга тушиб, 10та гол урган, 4та голга ҳаммуаллифлик қилган ва 2та огоҳлантириш олган.
