Шотландиялик ярим ҳимоячи Скотт Мактоминай 2024 йилдан буён Италияда фаолият юритмоқда ва қисқа вақт ичида «Наполи» жамоасининг етакчиларидан бирига айланди. У клубга бош мураббий Антонио Конте билан бир вақтда келган ва италиялик мутахассиснинг меҳнатини юқори баҳолайди. Скотт Конте билан бўлган ўзаро муносабатлари ҳақида тўхталиб ўтди.
«Антонио — жуда малакали мутахассис. У футболни чин дилдан яхши кўради. У мен ишлашга улгурган барча мураббийлардан тубдан фарқ қилади. Унинг қўл остида машғулотлардан бўйин товлаб бўлмайди, акс ҳолда у бундай футболчининг ҳаётини жиддий муаммога айлантириши мумкин», — дея Мактоминайнинг сўзларидан иқтибос келтирмоқда calcionapoli1926.it.
Эслатиб ўтамиз, айни дамда «Наполи» А Серия турнир жадвалида учинчи ўринни эгаллаб турибди.
