Лондоннинг «Арсенал» клуби аъзоси Нони Мадуэке жамоатчиликда унинг характери борасида нотўғри тасаввур шаклланган деб ҳисоблайди.
«Баъзан одамлар мени ҳаддан ташқари мағрур, ўзига бино қўйган ёки етарлича меҳнат қилмайди, деб ўйлашади. Аслида эса, эҳтимол, барчаси бунинг аксидир. Мен доимо ўз маҳоратимни оширишга ҳаракат қиламан. Одамлар менинг ўз ишимга ҳақиқатан ҳам жуда жиддий ёндашишимни билишларини истардим», — дея Англия оммавий ахборот воситалари 23 ёшли футболчининг сўзларидан иқтибос келтирмоқда.
Маълумот ўрнида, Нони Мадуэке жорий мавсумда 26 та учрашувда майдонга тушиб, ўз ҳисобига олтита гол ва учта голли узатмани ёздириб қўйди. Ўтган йилнинг июль ойида «Арсенал» вингерни «Челси» клубидан 56 миллион евро эвазига сотиб олган эди.
