Халқаро футбол федерацияси (ФИФА) собиқ раҳбари Йозеф Блаттер Америка Қўшма Штатларининг амалдаги президенти Дональд Трамп шаънига танқидий фикрлар билдирди.

"Radio Canada" нашрига берган интервьюсида швейцариялик мутахассис Жаҳон чемпионати АҚШда ўтказилмаслиги кераклигини таъкидлади.

"Трамп — ФИФА билан содир бўлган энг ёмон воқеа. Бўлажак мундиал фақат пул билан боғлиқ. Мексика ва Канада бу дастурхондан фақат ушоқларга (қолдиқларга) эга бўлишади, холос", — деди Блаттер.

Жаҳон чемпионати 2026 йилнинг ёзида Шимолий Америкада бўлиб ўтади. Ҳозирда амалдаги чемпион Аргентина терма жамоаси ҳисобланади. 2022 йилги мундиалнинг финал учрашувида "альбиселесте" Франция миллий терма жамоасини мағлуб этган эди.