"Фулхэм" ҳужумчиси Рауль Хименес Англия чемпионатининг 27-турида "Сандерленд"га қарши сафар ўйинида (3:1) дубль қайд этди. Икки голдан бирини у пенальтидан киритди.
Opta хабарига кўра, 34 ёшли мексикалик футболчи пенальти тепиш бўйича Премьер-лига тарихидаги энг яхши кўрсаткичга (13 тадан 13 гол) эга. У 12 та турли дарвозабонлар дарвозасини ишғол қилди. Февраль ойи бошида Хименес 11 уринишда 11 марта пенальти тепиш бўйича Яя Туре рекордини янгилади.
2025/26-йилги мавсумда Хименес 32 та ўйинда 9 та гол урди ва 2 та голли узатмани амалга оширди.
