Сўнгги 10 мавсум давомида Испания Ла Лигаси доирасидаги ўйинларда фақатгина икки нафар ярим ҳимоячи 115 тадан кўп узатмани амалга ошириб, 97% ва ундан юқори аниқлик билан баҳсни якунлашга муваффақ бўлди.

«Squawka» портали маълумотларига кўра, бундай натижа қайд этган биринчи футболчи «Реал Мадрид» аъзоси Тони Кроос бўлган. У 2018 йили «Хетафе»га қарши ўйинда 119 та узатмани амалга оширган ва уларнинг 117 таси аниқ чиққан (98% аниқлик).

Иккинчи кўрсаткични эса «Барселона» ярим ҳимоячиси Френки де Йонг қайд этди. У 2025/2026 йилги мавсумнинг 25-туридан ўрин олган «Леванте»га қарши ўйинда (22 февраль) юқори самарадорлик намойиш этди. Каталонияликларнинг 3:0 ҳисобидаги ғалабаси билан якунланган баҳсда де Йонг 117 та узатмадан 114 тасини аниқ манзилга етказиб берди (97% аниқлик).

Бундан ташқари, Френки де Йонг мазкур ўйинда майдондаги бошқа барча футболчилардан кўпроқ вазият яратди — унинг ҳисобида тўртта хавфли вазият мавжуд.