"Манчестер Юнайтед" "Астон Вилла"нинг 24 ёшли бельгиялик ярим ҳимоячиси Амаду Онанани сотиб олиш имкониятини кўриб чиқмоқда. Бу ҳақда "Football Insider" нашри хабар бермоқда.
Онана клубнинг ёзги трансферлар учун қисқа рўйхатига (шорт-лист) киритилган. "МЮ" ярим ҳимоя чизиғини кучайтиришни режалаштирган ва Онанадан ташқари Эллиот Андерсон, Адам Уортон ҳамда Карлос Балеба номзодларини ҳам ўрганмоқда.
Амаду Онана 2024 йилда "Эвертон"дан "Астон Вилла"га ўтган эди. Ушбу мавсумда у бирмингемликлар сафида 25 та ўйин ўтказиб, 2 та гол урди.













