Ҳужумкор яримҳимоячи Франко Мастантуоно "Реал"да у қадар кўп ўйин амалиётига эга эмас. The Touchline нашрининг ёзишича, мадридликлар Мастантуононинг ёзда ижарага кетиб, ўйин амалиётига эга бўлиши ва ривожланишини истисно қилишмаяпти.
Шу билан бирга, "Реал" Мастантунога узоқ муддатли истиқболда умид қилмоқда, шунинг учун ижарага кетганда сотиб олиш имконияти бўлмайди. Франконинг ўзи ҳам келажакда "қаймоқранглилар" сафида муваффақият қозонишга бел боғлаган.
Аммо ёзда Мастантуоно учун вазият ўзгариши мумкин, айниқса, "Реал" бошқа мураббийни қабул қилса.
Франко Мастантуоно 2025/26 йилги мавсумда 24 та ўйинда майдонга тушди. Уларда 18 ёшли футболчи учта гол урди ва битта голли узатмани амалга оширди.
