Ҳимоячи Микки ван де Вен ёзги трансфер ойнасида «Тоттенхэм»ни тарк этиши ва мақоми юқорироқ бўлган клубга ўтиб, ўз фаолиятида олдинга қадам ташлаши мумкин. Transfer News Live нашрининг TEAMtalk’ка таяниб хабар беришича, 24 ёшли нидерландиялик футболчи келажаги борасидаги вариантларни ўрганиб чиқмоқда.
Ван де Вен атрофидаги вазиятни «Реал», «Ливерпуль» ва «Манчестер Юнайтед» каби клублар диққат билан кузатиб бормоқда. Миккининг «Тоттенхэм» билан амалдаги шартномаси 2029 йилнинг ўрталарига қадар мўлжалланган. Нуфузли Transfermarkt портали мутахассислари нидерландиялик футболчини 65 миллион еврога баҳолашмоқда.
2025/2026 йилги мавсумда ван де Вен 33 та ўйинда майдонга тушиб, ҳимоячи бўлишига қарамай, 7 та гол уришга муваффақ бўлди.
