«Реал» дарвозабони Тибо Куртуа матбуот анжуманида «Бенфика» устози Жозе Моуриньонинг баёнотларига баҳо берди. Винисиус Жанлука Престианнини ирқчилик руҳидаги ҳақоратларда айблаган можародан сўнг, Моуриньо «Реал» футболчиси ўз голини қандай нишонлаганига эътибор қаратган эди.

— Моуриньонинг баёнотлари ҳақида нима деб ўйлайсиз?

— Моуриньо — бу Моуриньо. У мураббий сифатида доимо ўз клубини ҳимоя қилади. Аммо Винисиуснинг голни нишонлашидан оқлов сифатида фойдаланишлари мени ғазаблантиради. «Реал» дарвозасига гол урилганда, бундан икки-уч баравар кескинроқ реакциялар бўлади. Бу ирқчиликни оқлай олмайди.

— Моуриньонинг сўзлари сизни ҳафсалангизни пир қилдими?

— Шахсан мен учун бу ёқимсиз. Лекин у ўз жамоасини ҳимоя қиляпти, буни тушунса бўлади.