«Фламенго» марказий ярим ҳимоячиси Лукас Пакета Мадриднинг «Реал» клуби вингери Винисиус Жуниорни қўллаб-қувватлаб чиқди.

Сўнгги пайтларда матбуотда бразилиялик футболчи иштирокидаги ирқчилик можароси фаол муҳокама қилинмоқда — Чемпионлар лигаси доирасида «Бенфика»га қарши ўйинда ҳужумчи ҳакамга рақиб томонидан бўлган ҳақоратлар устидан шикоят қилган эди.

«Уни яқиндан танийдиганлар Винисиуснинг қалби тоза эканини билишади. Одамлар унинг зиммасига у кўтариши керак бўлмаган юкни юклашмоқда. У — қурбон», — дея бразилиялик футболчининг сўзларини «ESPN Brazil» нашри келтирмоқда.

Жорий мавсумда Винисиус барча турнирларда 36 та ўйинда иштирок этиб, ўз ҳисобига 12 та гол ва 11 та голли узатмани ёздириб қўйди.