«Барселона» марказий ҳимоячиси Рональд Араухо асосий таркибдаги доимий ўрнини қайтариб олишга умид қилмоқда.
Уругвайлик футболчи руҳий муаммолар сабабли бир ойдан кўпроқ вақт давомида майдонга туша олмади. Январь ойида 26 ёшли футболчи клуб ихтиёрига қайтди, бироқ ҳозирча асосий таркибга кира олгани йўқ. «Mundo Deportivo» нашрининг хабар беришича, Араухо яна «кўк-анорранглилар»нинг асосий таркибидаги муҳим ўйинчига айлана олишига ишонмоқда. Марказий ҳимоячининг фикрича, унинг жисмоний имкониятлари мураббий Ханс-Дитер Флик талаб қилаётган юқори ҳимоя чизиғида ўйнаш учун жуда фойдали бўлади.
Рональд Араухо жорий мавсумда Каталония гранди сафида 23 та ўйинда иштирок этиб, ўз ҳисобига учта гол ёздириб қўйди.
