Италиянинг амалдаги чемпиони ва А Серия пешқадами Чемпионлар лигасининг 1/8 финалига етиб бормай мусобақадан чиқиб кетди.

Италия чемпионати турнир жадвалида пешқадамлик қилаётган «Интер» ўтиш ўйинларида «Будё-Глимт» жамоасига имкониятни бой берди (1:3, 1:2). Ўтган мавсумда мамлакат чемпиони бўлган «Наполи» эса ЕЧЛнинг умумий босқичидаёқ турнир билан хайрлашди.

Италиянинг яна икки клуби — «Ювентус» ва «Аталанта» дастлабки ўтиш ўйинларида мағлубиятга учради. Ўтган ҳафтада туринликлар «Галатасарой»га (2:5), бергамаликлар эса Дортмунднинг «Боруссия»сига (0:2) имкониятни бой беришди. Ушбу жуфтликлар ўртасидаги жавоб учрашувлари чоршанба куни бўлиб ўтади.