"Бенфика" бош мураббийи Жозе Моуриньо Чемпионлар лигаси плей-офф босқичининг саралаш раунди доирасида "Реал"га қарши бўлиб ўтган жавоб ўйинида (1:2) "Сантьяго Бернабеу"даги пресс-студияга боришдан бош тортди.
Record нашри берган маълумотга кўра, португалиялик мутахассис ўйинни клуб автобуси ичида кузатган. Моуриньо бир ҳафта олдин Португалияда ўтган "Реал" билан биринчи ўйинда қизил карточка олган эди, шу сабабли у жамоани майдон четидан бошқара олмади.
Ўйиндан сўнг Моуриньо мухлислар билан мулоқот қилди. У мағлубиятга қарамай, мухлисларга дастхатлар улашди ва улар билан суратга тушди. El Chiringuito TV мутахассиснинг мухлислар билан гаплашиш учун автобусдан тушиб келгани акс этган видеони эълон қилди.
