"Фейеноорд" бош мураббийи Робин ван Перси Раҳим Стерлингга нисбатан билдирилаётган танқидларга жавоб қайтарди.

Инглиз вингери 12 февраль куни Роттердам жамоасига келиб қўшилди. У янги клубидаги дебютини "Телстар"га қарши ўйинда (2:1) ўтказди ва майдонда 29 дақиқа ҳаракат қилди.

"Вазиятни бироз тушуниш керак: у қаердан келганини, ўтмишда нималарга эришганини ва бир неча ой давомида ҳеч қайси жамоа билан машғулот ўтказмаганини инобатга олиш лозим.

Мен топ-даражадаги ўйинчидан кўп нарса кутилишини тушунаман, лекин агар сиз уни олти ойлик танаффусдан кейинги биринчи ўйиндаги ярим соатлик ҳаракати учун танқид қилаётган бўлсангиз, демак сиз ҳақиқатан ҳам ҳеч нарсани тушунмайсиз", — деди ван Перси.