"Манчестер Сити" бош мураббийи Хосеп Гвардиола норвегиялик ҳужумчи Эрлинг Холанд нима сабабдан Англия Премьер-лигаси 28-туридан ўрин олган "Лидс Юнайтед"га қарши ўйин қайдномасига киритилмаганини айтиб берди.
"Икки кун олдин, машғулотларнинг энг сўнгги қисмида Эрлингда маълум қийинчиликлар, кичик жароҳат юзага келди. Бу жиддий нарса эмас, лекин у бугунги ўйинга тайёр эмас. Бугун бизга битта элита даражасидаги ҳужумчи етишмайди, бироқ уни бошқа бир элита даражасидаги ҳужумчи билан алмаштирамиз", — дея Гвардиоланинг сўзларини келтиради Sky Sports.
Ҳозирги вақтда "Манчестер Сити" АПЛ турнир жадвалида иккинчи поғонани эгаллаб турибди.
