"Хетафе" устози Хосе Бордалас Килиан Мбаппенинг "Реал Мадрид" таркибида йўқлигидан хурсанд эмаслигини тан олди.
Франциялик юлдуз жароҳати сабабли Ла Лига доирасида якшанба куни бўлиб ўтадиган учрашувни ўтказиб юборади.
"Мен доим энг яхши ўйинчилар майдонга тушиши тарафдориман. Мен ушбу спорт турини ва ўз ишимни яхши кўраман, шу сабабдан буюк футболчиларнинг ўйинини кузатиш менга завқ бағишлайди. Мбаппе каби савиядаги футболчининг ўйинда иштирок эта олмаслиги ачинарли, зеро унинг борлиги ўйинни янада жозибадор қилган бўларди", — дея Бордаласнинг сўзларини келтиради "Diario AS".
Баҳс душанба куни "Сантьяго Бернабеу" стадионида бўлиб ўтади, ўйин Тошкент вақти билан тунги соат 01:00 да бошланади.
