"Бавария" бош директори Ян-Кристиан Дризен клубнинг Чемпионлар лигаси тўрининг қийин қисмига тушиб қолгани ҳақида гапирди. Агар мюнхенликлар "Аталанта" тўсиғидан ўтишса, улар "Реал" — "Манчестер Сити" жуфтлиги ғолиби билан тўқнаш келишади.
"Тўрнинг ўнг томони анча осонроқ экани кўриниб турибди. Агар чап томонга тушганимиздан хурсандмиз десам, бунга ҳеч ким ишонмайди. Аммо, бошқа томондан, энг кучли жамоаларга қарши ўйнаш ва қийин учрашувлар ўтказиш унчалик ёмон эмас.
Ҳозир биз бор эътиборимизни "Аталанта"га қаратишимиз керак. Уларнинг "Боруссия" билан баҳсидан сўнг, "Аталанта"га жиддий ёндашиш лозимлигини кўрдик. Улар аллақачон Европа лигасида ғолиб чиқишган, финалда эса "Байер"ни мағлуб этишган, шунинг учун уларни номаълум жамоа деб бўлмайди. Ҳозир бор диққатимиз "Аталанта"да, кейинчалик нима бўлишини эса кўрамиз", — дея Дризеннинг сўзларидан иқтибос келтирмоқда "Bayern & Germany" нашри.
Дастлабки ўйинда "Аталанта" 10 март куни "Бавария"ни қабул қилади.
