«Манчестер Юнайтед» навбатдаги муваффақиятли ўйинини ўтказди ва «Кристал Пэлас» устидан иродали ғалабага эришди. Бруну Фернандеш эса яна бир бор ажойиб иштирок намойиш этиб, гол уриш билан бирга голли узатмани ҳам амалга оширди.
Бу Бруну учун «Манчестер Юнайтед» сафида чемпионат доирасида ҳам гол урган, ҳам голли пас берган ўн саккизинчи ўйин бўлди. Ушбу кўрсаткич бўйича у афсонавий Дэвид Бекхэмни ортда қолдирди — англиялик юлдузда бундай ўйинлар сони ўн еттитани ташкил этган.
Эндиликда Брунудан олдинда фақат икки футболчи қолди — фаолияти давомида 35 та шундай ўйин ўтказган Уэйн Руни ҳамда «Манчестер Юнайтед» сафида 22 марта бундай натижага эришган афсонавий уэльслик Райан Гиггз. Таъкидлаш жоизки, Бруну Фернандеш клубда атиги олтинчи йилини ўтказмоқда.
