Англия чемпионатининг 28-тури доирасида бўлиб ўтган уй учрашувида "Арсенал" жамоаси "Челси" устидан 2:1 ҳисобида ғалаба қозонди. Ушбу баҳсда "канонирлар" иккита голни бурчак тўпларидан сўнг киритишди.
"Opta" нашри хабарига кўра, "Арсенал" 2025/26 йилги мавсумда Премьер-лига доирасида тўққизинчи бор бурчак тўпидан сўнг ғалаба голини киритди. Эндиликда бу бир жамоа учун бир мавсумдаги мутлақ рекорд ҳисобланади (аввалги рекорд 2012/13 йилги мавсумда саккизта гол билан "Манчестер Юнайтед"га тегишли эди).
Бундан ташқари, "Арсенал" АПЛда бир мавсум давомида бурчак тўпларидан урилган голлар сони бўйича ҳам рекордни такрорлади — 16 та гол. Аввалроқ бундай натижани 1992/93 йилги мавсумда "Олдхэм", 2016/17 йилги мавсумда "Вест Бромвич" ва 2023/24 йилги мавсумда "Арсенал"нинг ўзи қайд этган эди.
