Италия терма жамоаси бош мураббийи Женнаро Гаттузо Жаҳон чемпионати саралашининг муҳим ўтиш ўйинлари олдидан таркиб танлашда муайян қийинчиликларга дуч келмоқда ва 33 ёшли Марко Верраттини миллий жамоага қайтариш имкониятини кўриб чиқмоқда. Бу ҳақда Arena Napoli нашри хабар бермоқда.
Тарқалган маълумотларга кўра, Гаттузо ярим ҳимоячи билан шахсан суҳбатлашган ва уларнинг мулоқоти ижобий руҳда ўтган. Анчадан бери терма жамоада ўйнамаган ва айни дамда Қатарнинг "Ал-Арабий" клубида тўп сураётган футболчи қайтишга ҳамда жамоага ёрдам беришга тайёрлигини билдирган. Жорий мавсумдаги 15 та ўйинда у 1 та гол урди ва 4 бор ассистентлик қилди.
Италия терма жамоаси плей-офф ярим финалида 26 март куни Шимолий Ирландия билан тўқнаш келади. Ушбу жуфтлик ғолиби 31 март куни ҳал қилувчи баҳсда Уэльс ёки Босния ва Герцеговина жамоасига қарши майдонга тушади.
