Европанинг кучли бешлик чемпионатларида фақатгина иккита клуб жорий мавсумда сафарда ҳали мағлубиятга учрагани йўқ. Гап Мюнхеннинг «Бавария» (бу ҳеч кимни ҳайрон қолдирмайди) ва Италиянинг «Милан» (бу бироз кўпроқ ҳайратланарли) клублари ҳақида кетмоқда.

Мавсум давомидаги иккита мағлубиятга қарамай, «россонерилар» ҳали сафар ўйинларида имкониятни бой беришгани йўқ — ҳар сафар мағлубият уй учрашувларида қайд этилган. Натижада, ҳозирда «Милан»нинг мавсум бошидан бери сафардаги мағлубиятсиз серияси ўн тўртта ўйинга етди.

Клубнинг мутлақ рекорди 2003/2004 йилги мавсумда қайд этилган бўлиб, ўшанда «Милан» ажойиб мавсумни ўтказиб, Италия чемпионига айланган ва сафарда кетма-кет ўн еттита ўйинда мағлуб бўлмаган эди.