«Реал» сўнгги йилларда футболчиларининг оғир жароҳат олиши ортида шунчаки тасодифдан кўра муҳимроқ сабаб бор-йўқлигини аниқламоқда.
El Mundo нашрининг қайд этишича, 2023 йилнинг август ойидан бошлаб жамоада хочсимон боғламларнинг йиртилиши билан боғлиқ еттита ҳолат қайд этилган: Тибо Куртуа, Эдер Милитао (икки марта), Дани Карвахаль, Хоан Мартинес, Давид Алаба ва Родриго шундай жароҳат олишган.
Эътиборли жиҳати шундаки, ушбу жароҳатларнинг барчаси ё «Сантьяго Бернабеу» стадионида, ёки клуб базасида юз берган. Шу муносабат билан раҳбарият суриштирув ишларини бошлади. «Реал» бу ерда бирор-бир боғлиқлик бор-йўқлигини билмоқчи.
Шунингдек, айни пайтда тиббий штаб иши ва футболчиларнинг жисмоний тайёргарлигига ҳам катта эътибор қаратилмоқда.
