«Ливерпуль» сардори Виргил ван Дейк жамоанинг келаси мавсумда Чемпионлар лигасидан четда қолиш эҳтимоли ҳақида фикр билдирди.

«Бу ёзги трансфер ойнасига 100 фоиз таъсир қилади. Тўсиқлар жуда баланд. Қулоқ солинг, агар сиз «Ливерпуль»да ўйнаётган бўлсангиз, доимо Чемпионлар лигасида иштирок этишингиз шарт. Биз ЕЧЛ йўлланмасини қўлга киритишимиз керак», — дея ван Дейкнинг сўзларини келтиради журналист Фабрицио Романо.

Аввалроқ «Ливерпуль» Англия Премьер-лигасининг 29-турида сенсацион тарзда «Вулверхэмптон»га (1:2) имкониятни бой берган эди. Айни дамда мерсисайдликлар турнир жадвалида 48 очко билан олтинчи поғонани эгаллаб туришибди.

Эслатиб ўтамиз, Англиядан Чемпионлар лигасига дастлабки бешта клуб йўлланма олади (Еврокубоклардаги муваффақиятли иштирок эвазига Англия учун квота бештагача кенгайтирилган).