Аргентина терма жамоаси ва «Ливерпуль» ярим ҳимоячиси Алексис Мак Аллистер Испания Ла Лигасининг топ-клубида фаолиятини давом эттириши мумкин. Футболчини ўз сафига қўшиб олишга Мадриднинг «Реал» клуби жиддий қизиқиш билдирмоқда.
Planeta Real Madrid нашрининг маълумотларига кўра, мерсисайдликлар ҳозирча ўзларининг етакчи ярим ҳимоячиси билан хайрлашишни режалаштиришмаяпти. Агар «қироллик клуби» музокараларни бошлашга ҳаракат қилса, «қизиллар» футболчи трансфери учун жуда катта маблағ талаб қилишлари кутилмоқда.
Макаллистер ва «Ливерпуль» ўртасидаги амалдаги меҳнат шартномаси 2028 йилнинг ёзига қадар мўлжалланган. Айни дамда аргентиналик футболчининг бозор қиймати 85 миллион еврога баҳоланмоқда.
