"Арсенал" марказий ҳимоячиси Габриэль дос Сантос "Брайтон" мураббийи Фабиан Ҳюрцелернинг сўнгги фикрлари ҳақида гапирди.
Чоршанба куни "тўпчилар" Премьер-лига ўйинида "Брайтон"ни 1:0 ҳисобида мағлуб этишди. Учрашувдан сўнг, мезбон жамоа мураббийи Лондон гигантининг ўйин услубидан очиқчасига норозилигини билдирди.
"Ҳюрцелернинг нима дейишига аҳамият бермаймиз. Қандай ўйнаш ва қандай ўйнамасликни, тўпни ўйинга киритиш учун қанча вақт кераклигини фақат ҳакам ҳал қилади.
Биз шунчаки қилаётган ишимизда давом этишимиз керак. Биз ҳар бир ўйинда мукаммал бўла олмаймиз, шунинг учун ишончли ҳимояланиш жуда муҳим. Энг муҳими - уч очко", деди Габриэль.
