«Ливерпуль» март ойидаги учта ўйиннинг иккитасида мағлубиятга учради.

Арне Слот жамоаси бугун Чемпионлар лигаси 1/8 финалида «Галатасарой»га имкониятни бой берди — 0:1. 3 март куни эса АПЛ доирасида «Вулверхэмптон»дан мағлуб бўлган эди — 1:2. Ушбу баҳслар оралиғида Англия Кубоги доирасида «Вулвс» билан яна бир учрашув бўлиб ўтди ва унда мерсисайдликлар 3:1 ҳисобида зафар қучишди.

15 март куни «Ливерпуль» «Тоттенхэм» билан тўқнаш келади, 18 мартда эса «Галатасарой»га қарши жавоб ўйинини ўтказади.