Мадриднинг «Реал» клуби ярим ҳимоячиси Эдуардо Камавинга жорий мавсум якунида клубини ўзгартириши мумкин. Бу ҳақда инсайдер Маттео Моретто хабар берди.

«Эдуардо «дахлсиз» мақомига эга эмас. Унга қизиқиш билдираётган инглиз клублари бор. Мадридликлар ҳозирча футболчи учун аниқ нарх белгилашмаган, бироқ уни 50 миллион евродан арзонга сотишлари даргумон», — дея журналистнинг сўзларини келтирмоқда «Marca» газетаси.

Ла Лиганинг жорий мавсумида Камавинга 19 та учрашувда майдонга тушиб, битта гол муаллифига айланди.

Ярим ҳимоячининг «қаймоқранглилар» билан тузган меҳнат шартномаси 2029 йилнинг ўрталарига қадар мўлжалланган. «Transfermarkt» унинг бозор қийматини 50 миллион еврога баҳоламоқда.