«Ювентус» бош мураббийи Лучано Спаллетти клуб билан амалдаги шартномасини узайтиради. 67 ёшли мутахассиснинг ҳозирги келишуви мавсум якунида ниҳоясига етади, бироқ Турин клуби унинг ишидан мамнун ва ҳамкорликни давом эттиришни истамоқда.

Журналист Николо Скиранинг янгиланган маълумотларига кўра, музокаралар муваффақиятли якунланиш арафасида. «Кекса синьора» вакиллари шу ойнинг охирига қадар янги келишувни расмийлаштиришни режалаштиришмоқда.

Лучано Спаллетти ушбу лавозимни ўтган йилнинг кузида эгаллаган эди. Жамоа А Сериянинг 28 туридан сўнг турнир жадвалида олтинчи ўринни эгаллаб турибди. Шу шанба куни «бьянконери» сафарда «Удинезе»га қарши майдонга тушади.