«Yuventus» bosh murabbiyi Luchano Spalletti klub bilan amaldagi shartnomasini uzaytiradi. 67 yoshli mutaxassisning hozirgi kelishuvi mavsum yakunida nihoyasiga yetadi, biroq Turin klubi uning ishidan mamnun va hamkorlikni davom ettirishni istamoqda.
Jurnalist Nikolo Skiraning yangilangan ma’lumotlariga ko‘ra, muzokaralar muvaffaqiyatli yakunlanish arafasida. «Keksa sinyora» vakillari shu oyning oxiriga qadar yangi kelishuvni rasmiylashtirishni rejalashtirishmoqda.
Luchano Spalletti ushbu lavozimni o‘tgan yilning kuzida egallagan edi. Jamoa A Seriyaning 28 turidan so‘ng turnir jadvalida oltinchi o‘rinni egallab turibdi. Shu shanba kuni «byankoneri» safarda «Udineze»ga qarshi maydonga tushadi.
