Англия терма жамоасининг собиқ футболчиси Уэйн Руни ҳозирги «Барселона»нинг заиф томонини кўрсатиб ўтди.
«Мен жорий мавсумда «Барселона» иштирокидаги иккита ўйинни — «Челси» ва «Ньюкасл»га қарши баҳсларни кузатдим. Иккала ҳолатда ҳам менда Англия Премьер-лигасининг темпи ва интенсивлиги улар учун жуда юқорилик қиляпти, деган ҳиссиёт пайдо бўлди», — дея Рунининг сўзларини келтирмоқда «The Touchline».
Эслатиб ўтамиз, ўтган сешанба куни «Барселона» Чемпионлар лигаси 1/8 финалининг дастлабки учрашувида сафарда «Ньюкасл» билан 1:1 ҳисобида дуранг ўйнади. Каталонияликлар ўйин якунида пенальти эвазига мағлубиятдан қутулиб қолишди. Жамоалар ўртасидаги жавоб баҳси келаси ҳафтада, 18 март куни «Камп Ноу» стадионида бўлиб ўтади.
