Лондоннинг «Арсенал» клуби бош мураббийи Микель Артета ўз жамоасининг иродавий сифатларини алоҳида эътироф этди.

Шанба куни «канонирлар» ўз уйларида «Эвертон»ни мағлуб этиб (2:0), орзиқиб кутилган чемпионлик сари навбатдаги муҳим қадамни ташлашди. Учрашувда ҳисобни фақат 89-дақиқага келибгина Виктор Дьёкереш очишга муваффақ бўлди, баҳс якунида эса 16 ёшли Макс Доуман орадаги фарқни ишончли кўринишга келтирди.

«Охирги бир неча ой ақл бовар қилмас даражада ўтмоқда. Бу шунчаки ажойиб эди. Биз барча турнирларда курашни давом эттиряпмиз ва ҳар бир ўйинда худди охирги жанг каби ҳаракат қиляпмиз. Баъзан аъло даражада ўйнаймиз, баъзан эса у қадар эмас, лекин мана шу ғалабага бўлган тинимсиз интилиш — жамоамизнинг энг яхши фазилатларидан биридир», — деди Артета матбуот анжуманида.