«Интер» ҳужумчиси Франческо Пио Эспозито Англия Премьер-лигаси вакилларининг эътиборини тортди.
Шанба куни Милан грандининг «Аталанта»га қарши кечган баҳсида «Ньюкасл» скаути иштирок этди. Журналист Николо Скиранинг хабар беришича, «қарғалар» ҳужумчи Эспозитога қизиқиш билдирмоқда. Бундан ташқари, манбанинг қайд этишича, АПЛ клуби бергамоликлар ҳимоячиси Жоржо Скальвинини ҳам кузатмоқда.
20 ёшли Эспозито «Аталанта» билан учрашувда рақиб дарвозасини ишғол қилди, бироқ бу унинг жамоасига ғалаба қозониш учун ёрдам бермади — 1:1. Меҳмонлар баҳс якунида ҳисобни тенглаштиришга муваффақ бўлишди.
Transfermarkt портали «Интер»нинг истиқболли футболчиси Эспозитони 35 млн еврога, 22 ёшли Скальвинини эса 25 млн еврога баҳоламоқда.
