Аввалроқ Мюнхеннинг «Бавария» клуби ярим ҳимоячиси, 31 ёшли германиялик Леон Горецка жамоа билан шартномасини узайтирмаслиги ва ёзда эркин агент сифатида клубни тарк этиши маълум бўлган эди.

Хабар қилинишича, Туриннинг «Ювентус» клуби футболчи билан шартнома имзолаш имкониятига жиддий қизиқиш билдирмоқда. Қайд этилишича, италияликлар бундай даражадаги ва тажрибали ўйинчини жамоага бепул қўшиб олиш ғоясига иштиёқ билан қарашмоқда.

Шунингдек, туринликлар учун немис футболчиси сўраши мумкин бўлган маош миқдори ҳали ҳам катта масала бўлиб қолмоқда. Transfermarkt портали Леонни 15 миллион еврога баҳолаган. Горецка жорий мавсумда 35 та ўйинда иштирок этиб, 2 та гол урди ва 1 та голли узатмани амалга оширди.