Мадриднинг «Реал» клуби собиқ бош мураббийи Карло Анчелотти жамоанинг муваффақиятига ишонади.
Сешанба куни Альваро Арбелоа шогирдлари Чемпионлар лигаси 1/8 финали доирасида «Манчестер Сити»га қарши жавоб учрашувини ўтказишади. Илк ўйинда «қаймоқранглилар» ўз майдонлари — «Сантьяго Бернабеу»да кучли рақибни тор-мор этишган эди — 3:0.
«Реал»нинг ушбу авлодига шунчаки вақт керак», — дея Madrid Universal нашри «қироллик клуби»даги вазият ҳақида фикр билдирган Анчелоттининг сўзларини келтирмоқда.
Карло Анчелотти ўтган йилнинг май ойи охирида «Реал» бош мураббийи лавозимини тарк этиб, Бразилия терма жамоасига ўтган эди ва ҳозиргача у ерда фаолият юритмоқда.
Ла Лигада мадридликлар «Барселона»дан тўрт очко ортда қолган ҳолда иккинчи ўринда боришмоқда.
