«Милан»нинг собиқ футболчиси Алессандро Костакурта «Лацио»дан учралган мағлубиятдан сўнг жамоанинг чемпионатдаги ҳолати ҳақида ўз фикрлари билан ўртоқлашди.

Массимилиано Аллегри жамоаси якшанба куни А Сериянинг 29-тури доирасида Римда бўлиб ўтган баҳсда кичик ҳисобда имкониятни бой берди. «Россонерилар» 60 очко билан турнир жадвалида иккинчи ўринни эгаллаб турибди. Юқорироқда «Интер» (68), пастроқда эса «Наполи» (59) жойлашган.

«Скудетто? «Интер»дан саккиз очкога ортда қолиш — бу жуда кўп. «Милан»нинг ўрнида бўлганимда, «Интер» ҳақида эмас, балки ортда келаётган жамоалар ҳақида ўйлаган бўлардим», — деди Костакурта.

Келгуси шанба куни, 21 мартда, «Милан» ўз майдонида «Торино»ни қабул қилади.