«Milan»ning sobiq futbolchisi Alessandro Kostakurta «Lasio»dan uchralgan mag‘lubiyatdan so‘ng jamoaning chempionatdagi holati haqida o‘z fikrlari bilan o‘rtoqlashdi.
Massimiliano Allegri jamoasi yakshanba kuni A Seriyaning 29-turi doirasida Rimda bo‘lib o‘tgan bahsda kichik hisobda imkoniyatni boy berdi. «Rossonerilar» 60 ochko bilan turnir jadvalida ikkinchi o‘rinni egallab turibdi. Yuqoriroqda «Inter» (68), pastroqda esa «Napoli» (59) joylashgan.
«Skudetto? «Inter»dan sakkiz ochkoga ortda qolish — bu juda ko‘p. «Milan»ning o‘rnida bo‘lganimda, «Inter» haqida emas, balki ortda kelayotgan jamoalar haqida o‘ylagan bo‘lardim», — dedi Kostakurta.
Kelgusi shanba kuni, 21 martda, «Milan» o‘z maydonida «Torino»ni qabul qiladi.
