Чоршанба ва пайшанба кунлари Ўзбекистон Кубоги ярим финал жавоб ўйинлари бўлиб ўтади.

21 август куни Тошкентда «Локомотив» ва «Бунёдкор» ўртасидаги ўйин бўлиб ўтади. «Тошкент дербиси»ни Владислав Цейтлин бошчилигидаги ҳакамлар бригадаси бошқариб боради.

22 август куни Қаршида «Насаф» Тошкентнинг «Пахтакор» клубини қабул қилади. Учрашув бош ҳаками этиб Равшан Эрматов тайинланган бўлса, унга қанотларда Абдуҳамидулло Расулов ва Жаҳонгир Саидов ёрдам беради.

Эслатиб ўтамиз, Ўзбекистон Кубоги ярим финал дастлабки ўйинлари 30-31 июль кунлари бўлиб ўтганди. «Пахтакор» ва «Насаф» ўртасидаги дастлабки ўйинда ҳисоб очилмаган бўлса, «Локомотив» – «Бунёдкор» қарама-қаршилигининг «Жар» стадионида бўлиб ўтган биринчи ўйинида 2:2 ҳисобидаги жанговар дуранг қайд этилган эди.

Ўзбекистон Кубоги, ярим финал, жавоб ўйинлари
21 август, чоршанба
«Локомотив» (Тошкент) – «Бунёдкор» (Тошкент)
Ҳакамлар: В. Цейтлин (Тошкент), А. Цапенко (Тошкент вилояти), Ҳ. Шодмонов (Бухоро), Ҳ. Рўзиев (Тошкент)
Назоратчи: А. Абдуллаев (Тошкент).

22 август, пайшанба
«Насаф» (Қарши) – «Пахтакор» (Тошкент)
Ҳакамлар: Р. Эрматов (Тошкент), А. Расулов (Тошкент), Ж. Саидов (Тошкент), И. Танташев (Бухоро)
Назоратчи: А. Арутюнов (Тошкент).