"Челси" бош мураббийи Лиам Росеньор Чемпионлар лигаси 1/8 финалидан ўрин олган "ПСЖ"га қарши жавоб ўйини ҳақида гапирди. Париждаги 2:5 ҳисобидаги мағлубиятдан сўнг лондонликлар олдида жуда мураккаб вазифа турибди.
"Агар биринчи ўйинга назар ташласангиз, ўз хатоларимиз туфайли жуда кучли футболчилар томонидан жазоланганимизни кўришингиз мумкин. Биз айрим вазиятлардаги хатолар сабаб ўйинни бой бердик. Эртага хато қилишга ҳаққимиз йўқ. "ПСЖ" шунчаки Европанинг амалдаги чемпиони бўлиб қолмаганини ёдда тутиш лозим. Аммо биз улар билан рақобатлаша оламиз", — деди Росеньор матбуот анжуманида.
"Челси" ва "ПСЖ" ўртасидаги жавоб учрашуви 17 март куни Тошкент вақти билан 18 мартга ўтар кечаси соат 01:00 да бошланади.
