Мадриднинг «Реал» клуби собиқ устози Карло Анчелотти «қироллик клуби»нинг уругвайлик ярим ҳимоячиси Федерико Вальверде ҳақида ўз фикрини билдирди. Чемпионлар Лигаси 1/8 финалидан ўрин олган «Манчестер Сити»га (3:0) қарши яқинда бўлиб ўтган ўйинда хавбек хет-трик қайд этган эди.
«Федериконинг голлари менга жуда ёқди. Унинг бу натижаси мени ҳайрон қолдирмади. У даҳшатли голларни урди. Ўйиндан кейин унга шундай хабар юбордим: «Сенда Бразилия паспорти йўқлиги афсусланарли», — дея италиялик мураббийнинг сўзларини келтирмоқда ESPN нашри.
Эслатиб ўтамиз, айни дамда Анчелотти Бразилия миллий терма жамоаси бош мураббийи лавозимини эгаллаб турибди.
Ушбу мавсумда Федерико 40 та ўйинда майдонга тушиб, 7 та гол урди ва 12 та голли узатмани амалга оширди.
