"Барселона" клуби ва шаҳар кенгаши "Атлетико"га қарши кечадиган Испания суперкубоги жавоб учрашуви куни метро иш соатининг узайтирилиши борасида келишувга эришди.
Маълумотларга қараганда, шаҳар метрополитенида поездлар ярим кечаси ҳам қатнайдилар. Клуб мутасаддалари бундан шу куни стадионга ташриф буюрадиган кўп минг сонли ишқибозларнинг учрашувдан сўнг ўз уйларига етиб олишлари учун шароит яратишни мақсад қилган. Бу иш уларга 30 минг еврога тушмоқда.
Эслатиб ўтамиз, Испанияда суперкубок баҳслари 22 ва 29 август кунларига белгиланган. Иккала ўйиннинг ҳам бошланиши Тошкент вақти билан тунги 02:00га тўғри келади.