"Ливерпуль" клуби "Кристал Пэлас"нинг иқтидорли ярим ҳимоячиси Адам Уортонни ўз сафига қўшиб олмоқчи бўлса, катта харажат қилишига тўғри келади.

Football Insider нашри берган хабарга кўра, мерсисайдликлар ушбу трансфер учун 70 миллион фунт стерлинг тўлаши кераклиги ҳақида огоҳлантирилган.

Англия терма жамоаси аъзосига айланиб улгурган Уортон нафақат "Ливерпуль", балки Европанинг бошқа грандлари эътиборида турибди. Ҳозирда футболчига қуйидаги клублар қизиқиш билдирмоқда: "Манчестер Юнайтед", "Манчестер Сити", "Челси" ва "Реал".

"Кристал Пэлас" ўз юлдузига бўлаётган кучли қизиқишларга қарамай, уни таркибда сақлаб қолишдан умидвор. "Бургутлар" 70 миллионлик юқори нарх белгилаш орқали харидорларни бироз "қўрқитиши" ёки трансфердан максимал фойда кўришни мақсад қилган.

Уортон жорий мавсумда барча турнирларда 40 та ўйинда 7 та голли узатма амалга оширган. Унинг амалдаги шартномаси 2029 йил ёзигача мўлжалланган.