Миш-мишларга кўра, шу ёзда Хаби Алонсо "Ливерпуль" бошқарувини қўлга олиши мумкин. Айни дамда испаниялик мутахассис эркин агент мақомида — у январь ойида "Реал"дан бўшатилган эди.
TEAMtalk нашрининг хабар беришича, Алонсо аллақачон "Энфилд"да ишлашга тайёргарлик кўрмоқда. Мутахассис жамоадаги муаммоли позицияларни аниқлаб олган ва таркибда кўришни истаган учта футболчини танлаган.
Манбага кўра, Алонсо "Ливерпуль" раҳбариятидан ҳимоячи Алессандро Бастони ("Интер"), ярим ҳимоячи Адам Уортон ("Кристал Пэлас") ва ҳужумчи Брэдли Барколани ("ПСЖ") сотиб олишни сўраган.
Трансфер бозоридаги нархларга тўхталадиган бўлсак: 23 ёшли Баркола Transfermarkt портали томонидан 70 миллион еврога, 26 ёшли Бастони 80 миллион еврога, 22 ёшли Уортон эса 60 миллион еврога баҳоланмоқда.













