«Арсенал» ҳужумкор ярим ҳимоячиси Эберечи Эзе жамоанинг мавсум қолган қисмидаги асосий мақсадини айтди.

«Асосий мақсадимиз — совринларни қўлга киритиш. Бу биз истаган ва энг бошидан интилган нарсамиз. Ҳозирда барча мусобақаларнинг ҳал қилувчи босқичидамиз, курашишда ва ишлашда давом этамиз. Худо хоҳласа, ҳаммаси ўхшайди», — деди Эзе TNT Sports нашрига берган интервьюсида.

Жорий мавсумда 27 ёшли Эзе барча турнирлар доирасида 43 та учрашувда иштирок этиб, 9 та гол урди ва 6 та голли узатмани амалга оширди.