Испания Кубоги финали учун «Атлетико» аъзоларидан (сосьос) тушган аризалар сони белгиланган квотадан икки баравардан кўпроққа ошиб кетди.
18 апрель куни Севильяда бўлиб ўтадиган турнир финалида «Атлетико» «Реал Сосьедад»га қарши баҳс олиб боради. Мадрид жамоаси 2013 йилдан бери илк бор Испания Кубоги финалига йўл олди.
«Атлетико» клуби финал учун 54 385 нафар клуб аъзоси чипта буюртма қилганини эълон қилди. Ваҳоланки, мадридликлар учун ажратилган умумий квота 25 680 та ўринни ташкил этади ва уларнинг 85 фоизи айнан «сосьос»лар учун брон қилинган.
Шу тариқа, «Атлетико» аъзолари «Сосьедад» билан ўйин учун 21 828 та чиптага эга бўладилар. Яна 1050 та чипта расмий фан-клублар ўртасида тақсимланади, 160 таси эса имконияти чекланган аъзоларга топширилади. Чипталар сотуви 23 март куни бошланиши режалаштирилган.
