Рафинья «Барселона» сафида гол уришда давом этмоқда.

«Кўк-анорранглилар» вингери Чемпионлар лигаси 1/8 финали доирасидаги «Ньюкасл»га қарши баҳснинг 6-дақиқасидаёқ ҳисобни очди. Иккинчи бўлимда эса Рафинья аввалига Фермин Лопес ва Роберт Левандовскига голли узатма берди, сўнгра ўз дублини расмийлаштирди.

Бу бразилиялик футболчининг барча турнирлардаги сўнгги бешта учрашувдаги 5- ва 6-голлари бўлди. Бунга қадар у Ла Лигада «Севилья» (5:2) билан ўйинда хет-трик қайд этган ва Испания Кубогида «Атлетико» (3:0) дарвозасини ишғол қилган эди.

Умумий ҳисобда, Рафинья жорий йилдаги 16 та ўйинда «гол+пас» тизими бўйича 12+4 натижасини қайд этиб турибди.